Një aksident ka ndodhur pasditen e kësaj të mërkure në qytetin e Beratit.
Një automjet tip “Mercedez Benz“ ka përplasur një 78-vjeçar i cili ishte duke lëvizur me biçikletë.
Ngjarja ka ndodhur në vendin e quajtur “Varri i Babaliut” dhe pasi ka përplasur të moshuarin shoferi është arratisur nga vendngjarja.
Policia ka nisur hetimet për zbardhjen e rrethanave të ngjarjes si dhe lokalizimin e kapjen e autorit.
Sakaq i moshuari është transportuar në Spitalin e Beratit për ndihmë mjekësore, ku raportohet se ka marrë plagë në kokë dhe trup.
