Avokati Kujtim Cakrani është shprehur se Shqipëria është kthyer si një Tajlandë e vogël për turizëm seksual.
Komentet Cakrani i bëri në emisionin “Good Morning Albanians” në Euronews, ku tha se europianët kanë bindjen se në Tiranë bëhet turizëm seksual.
Ai shtoi gjithashtu se edhe ata që vijnë për pushime verore në Shqipëri, vijnë kryesisht për kanabis dhe turizëm seksual.
“Shqipëria dhe Tirana është kthyer në një Tajlandë e vogël. Kjo s’ka pikën e dyshimit. Turizmi seksual është rritur. Në Shqipëri vërtet vijnë për pushime verore, por vijnë kryesisht për kanabis dhe për turizëm seksual. Europianët e kanë bindjen që në Tiranë bëhet turizëm seksual. Në Tiranë ato që i quajnë shtëpi me qira, unë i quaj shtëpi publike të palicencuara. Nëse ti banesën tënde ja jep 3-4 vajzave, atëherë vetëm të jesh idion që ta kuptosh se për çfarë vijnë këto vajza aty. Sepse është vend hot i ngrohtë prandaj vijnë këtu”, tha Cakrani.
