Ngacmimet seksuale ndaj vajzave ndodhin shpesh në kryeqytet.
Një vajzë e ndaluar në rrugët e Tiranes tha se sa herë që dalin në rrugë ngacmohen seksualisht.
“Dy tre ngacmime ndodhin patjetër”,- tha ajo per mikrofonin e Euronews Albania.
Këto ngacmime sipas dy vajzave kryesisht vijnë me fjalë dhe nga persona të mëdhenj në moshë.
“Ka pasur ngacmime me shikime, me përndjekje apo me vetëprekje, këto janë raste që i kemi parë apo i kemi dëgjuar nuk është se na kanë ndodhur vetë. Në shumicën e rasteve edhe me fjalë qëedhe kur të tjerët i kanë dëgjuar nuk kanë reaguar”,-tha studentja.
“Se di me thënë të drejtën, mund të flasë, pasthirrma, thonë fjalë banale. Të komentojnë trupin. Ka raste. Ka pasur edhe raste prekje, po në këto raste vajzat ngrenë zërin. Kur ka shumë njerëz, ngacmuesit edhe nuk guxojnë shumë”,-tha studentja tjetër.
