Tre persona, mes tyre edhe deputeti i Partisë Socialiste janë dërguar drejt spitalit të Traumës për të marrë mjekim të specializuar, pasi gjendja e tyre nga shpërthimi në magazinë është më e rëndë. Ministri i Brendshëm, Taulant Balla ka bërë me dije se ka humbur jetë drejtuesi i ekskavatorit, e ndërsa në gjendje më të rëndë për shkak se ka marrë djegie në fytyrë është edhe i biri i tij.
“I shkaktuar për shkak të tensionit të lartë dhe si pasojë e shkarkimit të rrymës duhet të ketë shpërthyer një ekskavator që po bënte punimet në zonë, ka humbur jetën drejtuesi i ekskavatorit, është plagosur rëndë një person tjetër i gjendur aty pranë, brenda mjetit, që dyshohet të jetë i biri i viktimës dhe po ashtu në atë zonë bashkë me persona të tjerë, që janë 7 në total të plagosur është dhe deputeti i Lushnjës, Bujar Çela që ka marrë një plagë për shkak të shpërthimit, plaga është arritur të izolohet dhe është nisur drejt Traumës, 3 të plagosur drejt Traumës në Tiranë”, tha Balla.
Drejtuesi i Urgjencës, Skënder Brataj foli për gjendjen shëndetësore të të plagosurve.
“Janë tre drejt Tiranës, në gjendje të rëndë, 3 janë duke u trajtuar në spitalin e Lushnjës. Ngjarja është trajtuar në kohë rekord, kryesisht janë të djegiet, pacienti që është më rëndë ka një shkallë më të kanë djegie dhe është drejtuar drejt Traumës dhe kirurgjisë plastike. Do të vërtetohet a ka dëmtime fraktura, por kryesisht pacienti që është më rëndë ka djegie në fytyrë duke i komprometuar organet e frymëmarrjes”, tha Brataj.
