Dy të vdekur dhe shtatë të plagosur, mes tyre deputeti socialist Bujar Çela, është bilanci i një shpërthimi të ndodhur këtë pasdite në një magazinë në Lushnje. Personat që humbën jetën janë babë e bir.
Ngjarja ndodhi rreth orës 16:05 te “rreth-rrotullimi i Plasmasit”, në zonën industriale të qytetit. Zyrtarisht, policia lokale bëri me dije se “në një kapanon në ndërtim, dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm”.
![](https://boldnews.al/wp-content/uploads/2024/03/4870139d-1d44-43b4-8972-737e1c8cbbe8-640x360.jpg)
Sipas burimeve policore, vinçi dyshohet se ka qenë duke transportuar bombola me oksigjen që përdoren për saldim.
![](https://boldnews.al/wp-content/uploads/2024/03/1-640x480.jpg)
Si pasojë e shpërthimit humbi jetën Roland Verçani (Hoxha), drejtues i vinçit dhe djali tij 24-vjeçar. Të dy ishin brenda mjetit kur ndodhi shpërthimi. Roland Verçani humbi jetës fill pas ngjarjes, ndërsa i biri, Elidoni, disa orë më vonë, gjatë transportimit nga spitali i Lushnjes drejt atij të “Traumës”, në Tiranë.
![](https://boldnews.al/wp-content/uploads/2024/03/babe-e-bir-640x361.jpeg)
Shtatë persona kanë mbetur të plagosur. Mes të lënduarve është dhe deputeti i Partisë Socialiste Bujar Çela, i cili sipas informacioneve paraprake ka në bashkëpronësi magazinën ku ndodhi shpërthimi.
![](https://boldnews.al/wp-content/uploads/2024/03/Deputeti-Bujar-Cela-640x546.jpg)
Ligjvënësi i është nënshtruar një ndërhyrje kirurgjikale dhe sipas burimeve spitalore gjendja e tij tanimë është stabilizuar dhe ndodhet jashtë rrezikut për jetën. Deputeti Çela dhe një tjetër i plagosur, Sokol Lumi, janë transportuar drejt spitalit të “Traumës” në Tiranë, për mjekim më të specializuar.
![](https://boldnews.al/wp-content/uploads/2024/03/cela-640x363.png)
Të lënduarit e tjerë kanë dëmtime më të lehta dhe po marin mjekim në spitalin e Lushnjes. Në ndihmë të mjekëve reanimatorë, në spitalin e Lushnjes kanë shkuar dhe kolegë nga spitali i Fierit dhe ai i Beratit.
![](https://boldnews.al/wp-content/uploads/2024/03/2-640x322.jpg)
Shpërthimi, sipas dëshmive të banorëve, raportohet të jetë dëgjuar i fuqishëm në qytet. Dëme të shumta materiale janë shkaktuar dhe në bizneset e tjera e banesat pranë vatrës së shpërthimit.
![](https://boldnews.al/wp-content/uploads/2024/03/4b13096d-cdbf-4070-8f9b-692c1fc527dc_sd-640x360.webp)
Në disa prej tyre ka pasur thyerje të xhamave, dëmtime të dyerve apo orendive të tjera dhe mureve.
Pamjet e shpërthimit fiksuar nga një kamera sigurie
Nga pamjet e një kamere sigurie që ka fiksuar një kënd të momentit kur ndodh shpërthimi, shquhen persona që me gjasë të frikësuar dhe tronditur, vrapojnë për tu larguar nga ambientet e një biznesi aty pranë.
Një hetim ka nisur nën drejtimin e prokurorisë së rrethit për zbardhjen e rrethanave të ngjarjes.
Ministri i Brendshëm Taulant Balla flet për gazetarët jashtë spitalit të Lushnjes
Lexo edhe:
Shpërthimi në Lushnje, kush janë të plagosurit (Emrat)
Shpërthimi në Lushnje, kush është vinçieri që humbi jetën – FOTO
Banorët rrëfejnë shpërthimin në Lushnje: Ishte e frikshme! Llamarinat u ngritën në ajër…
Dyert përtokë, si është shkatërruar banesa pranë vatrës së shpërthimit në Lushnje
Njësia anti-eksploziv në vendngjarje – Pamjet
Shpërthimi në Lushnje, ndërpritet energjia elektrike në disa zona