Një aksident ka ndodhur mbrëmjen e kësaj të enjte në aksin rrugor Fier-Lushnje.
Një automjet tip “Volswagen” me drejtues shtetasin, Arbert Isufi, ka përplasur 80-vjeçarin, Sabri Kanina, i cili po udhëtonte me biçikletë. Si pasojë e përplasjes është dëmtuar i moshuari i cili është transportuar në spital për ndihmë mjekësore.
“Rreth orës 16:50 në aksin rrugor “Fier-Lushnjë”, shtetasi A. I., 48 vjeç, banues në Lushnjë, duke drejtuar automjetin tip “Volswagen”, ka përplasur shtetasin S. K., rreth 80 vjeç, i cili po udhëtonte me biçikletë.
Si pasojë e përplasjes është dëmtuar biçiklisti, shtetasi S. K., i cili ndodhet në spital në kujdesin e mjekëve”,- thuhet në njoftimin e policisë.
Grupi hetimor ndodhet në vendngjarje dhe po punon për sqarimin e rrethanave të aksidentit.
