Drejtuesi politik i Partisë së Lirisë në Qarkun e Beratit, Lefter Maliqi, përmes një postimi në rrjetet sociale bën me dije se ditën e enjte do të nisë fushatën e elktorale në dy drejtime, për zgjedhjet parlamentare të vitit 2025, por edhe për zgjedhjet e parakohshme për Bashkinë e Kuçovës.
Nuk dihet nëse Maliqi ka ndonjë informacion të sigurtë për zgjedhje të parakohshme lokale në Kuçovë. Vlen të theksohet fakti se kryebashkiaku Kreshnik Hajdari u dënua nga GJKKO për falsifikim dokumentash, pasi ai kishte gënjyer në formularin e dekriminalizimit, pasi nuk kishte deklaruar për dënimin në Greqi.
Gjithsesi, fillimisht KQZ vendosi “ta fali” Hajdarin, por Komisioni i Ankimeve dhe Sanksioneve (KAS), pas apelimit nga Maliqi, detyroi Komisionin Qëndror të Zgjedhjeve që të shqyrtojë sërish mandatin e kryebashkiakut të Kuçovës.
Maliqi shprehet i sigurt për fitore spektakolare në zgjedhje kundër mafias, krimit, korrupsionit dhe paaftësisë.
Reagimi i plotë:
Të dashur miq!
Zyrtarisht jemi në vit elektoral!
Ditën e Enjte startojmë fushatën elektorale së bashku në dy drejtime, për Zgjedhjet e parakohëshme në Bashkinë Kuçovë, të grabitur më “14 Maj”, që priten të ndodhin si dhe për sfidën e ardhëshme të zgjedhjeve te pergjithëshme pas 1 viti.
Së bashku nisim rrugëtimin e fitores së përbashkët në Bashkinë Kuçovë dhe në Qarkun Berat, me shpresë, besim e optimizëm në çdo lagje, fshat e qytet.
Jemi të sigurt në fitore spektakolare pasi premtimi, thjeshtësia, humanizmi, veprat dhe gjurmët e lëna na bëjnë optimist për diferencimin ndaj çdo force e kandidati që ju kanë mashtruar dhe s’kanë mbajur asnjë premtim ndaj jush. E drejta do të fitojë ndaj mafias, krimit, korrupsionit dhe paaftësisë.
Së shpejti me ju, pranë jush, me fitore!✌️✊
