Komisioneri Shtetëror i Zgjedhjeve, Ilirjan Celibashi nuk ka shpallur një vendim lidhur me kërkesën për shkarkimin e Kreshnik Hajdarit si kryebashkiak i Kuçovës.
Celibashi thotë se pranoi kërkesën e Lefter Maliqit, duke deklaruar se ndodhet në konflikt interesi, ndaj tërhiqet nga shqyrtimi i çështjes.
“Meqë për ju kjo çështje përbën shqetësim dhe ju e konsideroni të përligjur, argumentin tuaj për një konflikt interesi për faktin se kam paragjykuar këtë cështje për shkak të vendimmarrjes së shkuar. Me të drejtën, por edhe detyrimin që më jep kodi i procedurës administrative, si përfaqësues i organit administrativ në fjalë, e konsideroj vetën në konflikt interesi, kështu që po heq dorë nga shqyrtimi i kësaj çështje”, tha Celibashi.
Ndërkohë Arben Llangozi përfaqësuesi i ish-kandidatit për kryebashkiak të Kuçovës, Lefter Maliqi, tha se Celibashi duhet të përjashtohet sepse sipas tij, ai ka mbajtur një qëndrim një herë për këtë çështje.
