Reklamë në ekranin e Top Channel, në spektaklin e Big Brother VIP 3, ka bërë edhe kompania mashtruese Ritello, për të cilën pak kohë më parë mediat kanë publikuar të gjitha rastet me detaje.
Drejtuesi i spektaklit Ledion Liço, teksa prezantonte sponsorit, i bëri një përshkrim të hollësishëm, aparatit për pastrimin a ajrit nga kompania Ritello.
Është kjo kompani e cila prej kohësh është vënë nën akuzën e shumë qytetarëve që janë mashtruar.
Rastet kanë prekur kryesisht familjarë të moshuar dhe të painformuar për pasojat.
Ironike është fakti që, ndërsa emisionet investigative kanë kryqëzuar kompaninë për mashtrimet e saj, Top Channel i bën reklamë dhe merr para nga pronarët.
Të fundit që kanë re pre e mashtrimeve nga kompania Ritello janë një çift të moshuarish nga Librazhdi, por edhe shumë persona të tjerë nga Elbasani dhe qytete të ndryshme ku kjo kompani operon.
Kompania ndërkohë vazhdon ti bëjë reklamë mashtrimit, duke përdorur ekranet e TV kombëtare, pikërisht në spektaklet e mëdha.
