Një aksident ka ndodhur mesditën e sotme në Korçë. Një automjet tip “BWM” ka përplasur një 65-vjeçare teksa ishte duke kaluar rrugën.
Ngjarja ka ndodhur në lagjen nr.2 pranë kinema “Majestic”. Policia bën me dije se gruaja është transportuar në spital dhe ndodhet jashtë rrezikut për jetën, ndërsa është shoqëruar për veprime të mëtejshme shoferi.
“Më datë 23.02.2024, rreth orës 14:10, në lagjen nr. 2, Korçë, pranë kinema “Majestic”, automjeti tip “BMW”, me drejtues shtetasin G. M., 43 vjeç, ka përplasur këmbësoren K. B., 65 vjeçe, e cila u dërgua për mjekim në spitalin e Korçës, ku ndodhet jashtë rrezikut për jetën. Me drejtuesin e automjetit po kryhen veprimet e mëtejshme procedurale”,- thuhet në njoftimin e policisë.
Grupi hetimor po punon për sqarimin e rrethanave të aksidentit.
