Një 27-vjeçar shqiptar, identiteti i të cilit nuk bëhet i ditur, është arrestuar nga policia greke pasi dhunoi të dashurën 19-vjeçare për t’i ndërprerë shtatzaninë.
Sipas ERT, ngjarja ka ndodhur mbrëmjen e së martës, kur i riu shqiptar ka shkuar dhe ka marrë në shtëpi 19-vjeçaren, e cila ishte rreth 2 muajshe shtatzënë.
27-vjeçari pasi ka marrë partneren në banesën e tij, e ka lidhur, dhunuar dhe e ka detyruar të marrë drogë për të ndërprerë shtatzëninë.
Mëngjesin e së mërkurës, ai e dërgoi 19-vjeçaren, e cila humbi foshnjen pas dhunës, në spitalin e Zakynthos. E reja ndodhet jashtë rrezikut për jetën.
I riu shqiptar akuzohet për dhunë familje, ndërprerje të shtatzënisë, dëmtim të rrezikshëm trupor dhe vjedhje, pasi i ka marrë celularin partneres së tij.
