Kanë përfunduar sfidat e radhës të vlefshme për 1/16 të Champions League.
Napoli dhe Barcelona janë ndarë në barazimin 1-1 në “Maradona Stadio”.
Të parët që kaluan në avantazh ishin spanjollët, ku në minutën e 60’ ishte Lewandowski që shënoi. Goli i barazimit erdhi nga Victor Osimhen në minutën e 75’ duke bërë që stadiumi të shpërthejë në festë.
Ndeshja ishte pothuajse e barabartë dhe tepër e luftuar nga të dyja skuadrat.
Nga ana tjetër, Porto triumfoi 1-0 ndaj Arsenalit në Portugali, në ndeshjen e parë të Champions League.
Portugezët u treguan mjaft të rrezikshëm në kundërsulme, duke bezdisur jo pak portën e mbrojtur nga Raya. Djemtë e Conceicao shkaktuan drithërima në shkallët e stadiumit në pjesën e parë, Galeno “flirtoi” me golin, vetëm shtylla e ndali lojtarin.
“Gooners” nuk goditën asnjëherë në portë, teksa u përpoqën që të bëjnë diferencën me lojën nga krahët. Trossard shpërdoi një mundësi të mirë (51’). Në shtesë, Porto “tundi rrjetën” me Galeno-n, pikërisht në fundin e takimit.
