Rruga Kallpaq – Janinë do të bllokohet për shkak të protestave të fermerëve grekë edhe këtë të martë.
“Njoftohemi nga Policia Kufitare greke se nga ora 10:00 dhe deri në një njoftim të dytë, rruga nacionale Kallpaq – Janinë, do jetë përsëri e bllokuar për shkak të protestës që po zhvillojnë fermerët”, njofton policia e Kakavijës.
Lejohet qarkullimi vetëm për mjetet e vogla, ndërsa mjetet e tonazhit të rëndë (kamionë dhe autobuzë), nuk do lejohen të qarkullojnë, shtuan të njëjtat burime.
