Një ngjarje e rëndë ka ndodhur në qytetin e Trikalas në Greqi. Një 46-vjeçar ka vrarë babanë e tij 77 vjeç dhe më pas i ka prerë kokën edhe duart me sharrë elektrike .
Ngjarja u bë e ditur pasditen e së dielës nga mediat vendase, kur 46 vjeçari ka telefonuar në polici dhe ka njoftuar për krimin duke thënë “hajdeni se e vrava”, ndërkohë që vrasja duket se ka ndodhur dy ditë më parë.
Ai u arrestua dhe u dërgua në spital ku po trajtohet në pavionin psikiatrik. Vrasësi, që ka pohuar para hetuesve se ka çrregullime psikologjike, ka denoncuar tek autoritetet se ka vrarë të atin pasi fillimisht kanë pasur një debat.
Hetimet vijojnë për zbardhjen e rrethanave të sakta të krimit, si dhe motivin e autorit. Detaje të reja do të ketë pas analizave nga mjeku ligjor.
