Partizani arriti të fitonte me rezultatin 2-1 derbin kundër Tiranës. Për këtë sfidë ka reaguar në rrjete sociale, gazetari Artan Hoxha.
Ai hedh hije dyshimi për fitoren e të kuqve, teksa në një status në Facebook ka komentuar duke kujtuar “Federbetin” e famshmë që dënoi vite më parë Skënderbeun.
“Ai Federbeti po i ndjek këto përmbysjet apo jo?”, shkruan ai në koment duke nxitur reagime tek tifozët e kuq.
Kujtojmë që kjo kompani ndoqi Skënderbeun e artë, duke ngritur alarmin për trukim ndeshjesh të korçarëve.
Pas procedurave të shumta, u vendos që bardhekuqtë e Korçës të dënoheshin me 10 vite përjashtim nga Kupat e Europës, si dhe 1 milionë euro gjobë.
