Një aksident i rëndë ka ndodhur pasditen e kësaj të premte në aksin Fushë Krujë-Krujë.
Një makinë tip “Audi” është përplasur me një furgon fasonerie në rrethana ende të paqarta e si pasojë kanë mbetur të plagosur dy shoferët e mjeteve.
Mësohet se të plagosur kanë mbetur, Gëzim Hoxha, shofer i “Audit” dhe Nezir Neziri, shofer i furgonit. Ky i fundit është nisur drejt spitalit të Traumës.
Paraprakisht dyshohet se shkak për aksidentin është bërë shpejtësia tej normave të lejuara. Grupi hetimor ndodhet në vendngjarje.
