Gjatë prononcimit për mediat, pas krijimit të Federatës së Bashkuar të Opozitës, kreu i grupit parlamentar të PD-së, Gazment Bardhi është mbyetur edhe mbi faktin që Sekretari Amerikan i Shtetit, Antony Blinken nuk takoi asnjë përfaqësues të opozitës, gjatë vizitës së tij në Tiranë.
Bardhi tha se axhenda e Blinken ishte ndërtuar mbi mesazhet që do të përcillte dhe sipas tij, kjo ishte dhe arsyeja e mostakimit të përfaqësuesve të opozitës. Ai shtoi më tej se me rëndësi është se aleanca mes opozitës dhe partnerit strategjik SHBA mbetet e paprekur.
“Siç unë besoj nuk është çështje kohe, por çështje e mesazheve që ka dashur të japë sekretari. Në varësi të mesazheve dhe tematikave të diskutimit është ndërtuar axhenda Nuk shikoj asnjë shqetësim në këtë drejtim. E rëndësishme për opozitën është ruajtja e paprekur e aleancës strategjike me SHBA dhe me partnerët e tjerë strategjik”, tha Gazment Bardhi.
