Një borxh prej 30.000€, është bërë shkak për një sherr të ndodhur pasditen e sotme në rrugën Ndre Mjeda në Tiranë.
Një person është goditur me grusht sapo ka dalë nga një lokal ku ishte ulur të konsumonte një kafe, ndërsa agresori më pas është larguar me shpejtësi nëpër rrugicat e zonës.
Shkak i konfliktit sipas policisë e cila i referohet dëshmisë së të dëmtuarit është pikërisht borxhi prej 30.000€, por i dëmtuari pretendon se e ka shlyer këtë borxh personit që e ka goditur me grusht.
Identiteti i palëve të përfshira në sherr ende nuk bëhet me dije ndërkohë rasti është nënë hetim nga policia.
