Një 27-vjeçar, i shpallur në kërkim për grabitje është arrestuar këtë të diel në Pikën e Kalimit Kufitar të Muriqanit.
Në pranga ka rënë shtetasi me iniciale K.N, nga Fushë-Kruja.
“Shërbimet e Policisë Kufitare të PKK Muriqan, në hyrje gjatë verifikimeve ndaluan shtetasin K. N., 27 vjeç, banues në Fushë Krujë. Ky shtetas rezultoi person i shpallur në kërkim nga Komisariati i Policisë Nr.4 në Tiranë, për veprën penale “Vjedhja”. Veprimet e mëtejshme procedurale për këtë shtetas, do të kryhen nga Komisariati i Policisë Nr.4 në Tiranë”, thuhet në njoftimin e policisë.
