Një zjarr ka rënë mëngjesin e kësaj të diele në urgjencën e re në QSUT. Në rrethana ende të paqarta godina është përfshirë nga flakët, duke bërë kështu që të gjithë pacientët e sëmurë të evakuohen.
Mësohet se ata janë nisur me ambulancë pranë spitalit të Sanatoriumit në Sauk, ndërsa nuk raportohet për pacientë të lënduar nga zjarri.
Sipas policisë zjarri është shkaktuar si pasojë e një shkëndije elektrike, sakaq forcat zjarrfikëse kanë bërë të mundur shuarjen e flakëve.
Njoftimi i policisë:
Më datë 11.02.2024, rreth orës 05:30, në Rrugën e Dibrës, dyshohet se si pasojë e një shkëndije, ka rënë zjarr në katin -1, te urgjenca e re.
Shërbimet e Policisë në bashkëpunim me forcat zjarrfikëse, menjëherë kanë bërë evakuimin e stafit mjekësor dhe pacientëve. Zjarri është fikur dhe si pasojë e tij nuk ka persona të dëmtuar.
Grupi hetimor po punon për zbardhjen e rrethanave të ngjarjes.
