Pas deklaratave të ish-zv.kryeministrit, Arben Ahmetaj, i cili theu heshtjen dhe përshkroi metodat mafioze në drejtimin e shtetit dhe përdorimin e SPAK për mbylljen e aferës së inceneratorëve, Partia Socialiste njofton mbledhjen e Asamblesë Kombëtare të PS-së ditën e dielë.
Mbledhja është njoftuar në një mesazh nga Blendi Klosi dhe formalisht ka për qëllim raportimin e detyrave të lëna në Kongresin e fundit të PS. Por mësohet se qëllimi i mbledhjes është përgjigjia e Ramës për “bombat” që lëshoi Arben Ahmetaj për peshën e korrupsionit dhe diktatin që Rama i përdor për të mbajtur pushtetin.
Mesazhi:
Të nderuar anëtarë të Asamblesë Kombëtare të PS!
Në zbatim të vendimit të Kongresit për raportimin e Detyrave të lëna në kuadër të Rienergjizimit të Partisë, me kërkesën e Kryetarit të PS, ju njoftojmë se ditën e dielë ( 11.02.2024), ora 10:30, tek kompleksi “Xibraku” do të zhvillohet mbledhja e Asamblesë Kombëtare të PS.
Pjesëmarrja në mbledhje është e detyrueshme dhe mungesat janë të pajustifikuara!
Sekretari i Përgjithshëm i PS
Blendi KLOSI
