Në GJKKO përfundon shqyrtimi i dojses për Fredi Belerit.
Pasi u dëgjua dëshmia e specialistes së burgjeve seanca u shty për më 13 shkurt, ora 14:00 ku do të lexohet pretenca nga Prokuroria për Fredi Belerin i cili mbahet i burgosur që prej 12 majit të vitit të kaluar i akuzuar për “korrupsion në zgjedhje”.
Në gjyq ishte thirrur për të dëshmuar mbi dëshminë e penalitetit të Belerit të administruar nga SPAK, Anila Pace, 25 vite specialiste në Drejtorinë e Burgjeve. Për këtë dëshmi mbrojtja pretendon se ka të dhëna të pasakta mbi faktin rezulton apo jo i dënuar Beleri.
Avokati i Fredi Belerit ka deklaruar se klienti i tij, kryebashkiaku i zgjedhur i Himarës, ka qenë i dënuar rreth 20 vite më parë.
Në një deklaratë për mediat pas shtyrjes së seancës, përfaqësuesi ligjor i Belerit është shprehur se nuk mund ta shpjegonte dot vepren penale për të cilën ishte dënuar.
“E tha specialistja, që ai është i padënuar, është i rehabilituar. ligji është i qartë. Patjetër që ka pasur dënim më herët, por në njeri nuk mund të rri tërë jetën, para 20 vitesh kur ka qenë i ri. E keni aty nuk mund ta shpjegoj dot“, tha avokati.
Prokurorët e SPAK, pritet që të kërkojnë masën e dënimit për dy të pandehurit Fredi Beleri dhe miku i tij Pandeli Kokaveshi, të cilët ndodhen në burg prej 12 Majit 2023 kur u arrestua nën akuzën e blerjes së votave.
