Një aksident me pasojë vdekjen ka ndodhur mëngjesin e sotëm në Divjakë.
Një 53-vjeçar është dëmtuar nga një makineri në vendin e punës dhe si pasojë ka humbur jetën rrugës për në spital.
“Rreth orës 10:00, në ambientet e një subjekti për paketimin e produkteve ushqimore, në pronësi të shtetasit R. J., dyshohet se aksidentalisht, është dëmtuar nga një makineri, punonjësi i subjektit, shtetasi I. L., 53 vjeç, i cili ka humbur jetën gjatë transportimit në spital”,- thotë policia.
Grupi hetimor ndodhet në vendngjarje dhe po punon për sqarimin e rrethanave të ngjarjes.
