Një ngjarje e rëndë ka ndodhur mëngjesin e sotëm në Tiranë, në zonën e ish-Parkut të Autobuzave. Një pjesë e skelës së një pallati në ndërtim ka rënë e si pasojë janë dëmtuar dy kalimtarë të rastit.
Të plagosur kanë mbetur babë e bijë të cilët janë transportuar në spital, dhe nuk dihet ende si paraqitet gjendja e tyre shëndetësore.
“Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.
Dy të dëmtuarit ndodhen në spital, në kujdesin e mjekëve.
Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale”,- njofton Policia.
Grupi hetimor ndodhet në vendngjarje dhe po punon për sqarimin e rrethanave të ngjarjes.
