Janë zbardhur detaje nga ngjarja e rëndë që ndodhi mëngjesin e sotëm në Burrel, ku një 63 vjeçar vrau me armë gjahu një 52 vjeçar.
Mësohet se autori i ngjarjes është Islam Meta, ndërsa viktima është Petrit Kuka. Krimi i rëndë ka ndodhur për arsye hakmarrje.
Njoftimi i policisë:
Autori i dyshuar i kësaj ngjarje, pasi ka kryer krimin ka telefonuar Policinë dhe ka treguar mbi rrethanat e ngjarjes dhe më pas ka kërkuar të vetëdorëzohet.
Nga hetimet paraprake të kryera dyshohet se ngjarja ka ndodhur për arsye se, viktima shtetasi P.K., në vitin 2013, për motive të dobëta ka plagosur vajzën e shtetasit I.M.
Shërbimet e Policisë kanë shkuar menjëherë në vendngjarje dhe po bëjnë shoqërimin e shtetasit I.M , në komisariat.
Grupi hetimor nën drejtimin e Prokurorisë po punon për zbardhjen e plotë të rrethanave të ngjarjes.
