Ndeshjet Skënderbeu-Dinamo e Superiores dhe Kastrioti-Bylis e Kategorisë së Parë të planifikuara për t’u luajtur ditën e sotme janë shtyrë.
Kjo gjë vjen për shkak të kushteve të rënduara atmosferike. Shqipëria është përfshirë sot nga një mot i keq me reshje shiu dhe dëbore.
Mësohet se stadiumi i Korçës është mbuluar nga dëbora, ndërsa ai i Krujës është përmbytur nga shiu.
Skënderbeu-Dinamo ishte parashikuar të luhej në orën 17:00, sfidë e vlefshme për javën e 20-të të Superiores.
Në ditët në vazhdim Departamenti i Garave në FSHF do të përcaktojë datat se kur do të luhen këto ndeshje.
Njoftimi i FSHF:
Departamenti i Garave në FSHF bën me dije se ndeshja Skënderbeu-Dinamo e kampionatit “Abissnet Superiore” dhe ndeshja Kastrioti-Bylis e Kategorisë së Parë, të programuara për t’u luajtur sot, do të shtyhen për shkak të kushteve të rënduara atmosferike.
Në ditët në vazhdim Departamenti i Garave në FSHF do të përcaktojë datat se kur do të luhen këto ndeshje.
