Një tërmet i fortë është regjistruar pasditen e kësaj të premte në Greqi.
Sipas Qendrës Sizmiologjike Europiane-Mesdhetare tërmeti ka qenë me një magnitudë 4.8 i shkallës Rihter. Epiqendra e tij ka qenë në detin Egje, në brigjet lindore të ishullit Evia, ishulli i dytë më i madh i Greqisë, duke tronditur dhe kryeqytetin Athinë, në jugperëndim të epiqendrës së tërmetit.
Epiqendra e tërmetit ka patur një thellësi prej 10 km, teksa lëkundjet sizmike janë regjistruar në orën 16:14 me orën lokale (15:14 me orën tonë).
Nuk ka pasur raportime për dëme apo viktima si pasojë e tërmetit; megjithatë, nuk ka gjasa për dëme të konsiderueshme.
