Detaje të reja tejet tronditëse kanë dalë nga ngjarja e rëndë në Greqi, ku shqiptari Fatmir Tarellari vrau kunatin e tij pasi i kishte përdhunuar vajzën që në moshë të mitur.
Në dëshminë e tij, Fatmir Tarellari ka thënë se 33-vjeçari, Erion Pelivani ka abuzuar në sy të djalit të tij të mitur, ndërsa vajza ka tentuar edhe vetëvrasjen.
“Vajza ime më tregoi se kur u përdhunua nga kunati im, i pranishëm ishte edhe djali im i vogël, i cili tani është nëntë vjeç dhe të cilin kunati e la vetëm në dhomën tjetër, ndërsa mbyllte dhomën ku ishte me vajzën time.
Jam thellësisht i shqetësuar për shëndetin e tij mendor, pasi tani e perceptoj reagimin e tij kur pa kunatin tim.
Sapo e pa u duk menjëherë i frikësuar. Por tani është e domosdoshme që ai të marrë mbështetje psikologjike dhe të ekzaminohet nga një psikolog fëmijësh”- ka deklaruar ai.
50-vjeçari pohoi gjithashtu se vajza e tij arriti deri aty sa ka tentuar edhe vetëvrasjen: “Vajza ime, e cila është jetime nga nëna e saj, ka absolutisht nevojë për mbështetje psikologjike dhe financiare pasi ajo është e shkatërruar emocionalisht dhe ka arritur në pikën e tentativës për vetëvrasje. Nuk e dija, më tha mësuesja e saj dhe psikologu”.
