Analisti Andi Bushati, ka folur mbrëmjen e sotme lidhur me seancën e sotme plenare në Kuvend, dhe deklaratën e presidentit, Bajram Begaj pas seancës.
I ftuar në ‘Çim Peka Live’, Bushati u shpreh se këtë deklaratë e konsideron të një niveli së shkollës fillore, teksa i quan ‘’slogane dy lekëshe’’, konkluzionet e tij.
Bushati shtoi gjithashtu se pritshmëria e tij për këtë fjalim ishte e madhe, çfarë rezultoi në zhgënjim.
Bushati: Tek ky parlament opozita e kishte shpallur që dje situatën duke thënë se ne do vazhdojmë avazin e dhjetorit, pra presidenti nuk kishte shqiptar që nuk e dinte që nuk fliste. Dhe këtu është pyejta pasta , pse e çuan?
Kur e dintë që nuk fliste. Mund ta mbante atë fjalimin siç e mbante nga Presidenca.
Unë kur dëgjova këtë që paska insistuar shefi i shtetit të flasë, thashë ‘ore do ketë qenë naj gjë shumë me peshë, ta lexoj njëhere’, dhe kur lexoj, ishin vetëm tre paragrafë shumë të shkurtër .
Kuvendi është vendi ku zhvillohet dialogu parlamentar, ku ka shkëmbim të ideve dhe diskutimeve konstruktive mes pozitës dhe opozitës. Shiko sa ”e thellë”!
Kuvendi është hapësira e debateve ku profesionistë të ndryshëm, media, shfaqin mndimet e tyre”.
Pra këtë ka dashur të thotë, dhe mua mu duk që një gjë që një mësues i klasës së katërt do kishte turp tua thoshte nxënësve të vet, slogane dy lekëshe që asnjë kapterr, qe ka bërë veç atë shkollë nuk i lëshon dot nga goja.
Pra, qëllimi nuk qe mesazhi, qëllimi qe përdorimi si vegël për një sherr politik.
