Greqia u trondit një natë më parë, pasi 44-vjeçarit Vangjelis Zabunis, anëtar i njohur i mafias, u ekzekutua me breshëri kallashnikovi nga tre persona në rrugën “Ilia Iliu” në qendër të Athinës.
Pavarësisht se viktima u fut brenda një automjeti tip “BMW” i blinduar, kjo nuk ka qenë pengesë për ekzekutorët, të cilët kanë përdorur plumba blindshpues kallashnikovi penetruar në xhamin e blinduar dhe lënë kapo-bandën greke të vdekur në vend. Në vendin e ngjarjes u gjendën 97 gëzhoja.
Pak minuta pas ekzekutimit në dalje të Athinës në vendin e quajtur Hajdari, u gjet i djegur edhe automjeti i autorëve, një fuoristradë e cila rezulton e marrë me qira. Brenda makinës u gjetën edhe 2 kallashnikovë dhe 1 pistoletë, armë të përdorura gjatë sulmin mbi Zabunis.
Autoritetet greke vazhdojnë hetimet për zbardhjen e atenatit, teksa Policia beson se njëri ose më shumë prej ekzekutorëve janë vrasës me pagesë. Dyshohet që ata kanë mbërritur nga një vend ballkanik, me gjasa nga Shqipëria.
Me të njëjtën mënyrë, pra djegie makine pas atentatit për të fshehur gjurmët, janë regjistruar me dhejtra vrasje mafioze edhe në vendin tonë. Gjithsesi, për përfshirjen e shqiptarëve në vrasjen e Vangjelis Zabunis nuk ka ende asnjë të dhënë dhe mbeten vetëm dyshime.
Para 4 vitesh, Vangjelis Zabunis i kishte shpëtuar një atentati ku kishte marrë plagë të rënda, por për fat autorit i ishte bllokuar arma dhe nuk kishte mundur dot t’i jepte goditjen përfundimtare. Duket se këtë herë autorët ishin të vendosur të mos gabonin ndaj dhe përdorën të paktën 3 armë.
Zubunis ishte arrestuar disa herë dhe ishte në top listën e të dyshuarve për disa sulme ndaj bandave të tjera. Ai merrej edhe me kondrabandë të karburanteve dhe pijeve alkoolike si dhe gjobë-vënie. Viktima akuzohej si ekzekutori i bandës së vëllezërve Vlastos, të ekzekutuar njëri një burg dhe tjetri me atentat të ngjashëm. Zabunis tentoi ti bënte atentat gjykatëses që po gjykonte vëllezërit Vlastos në 2012 por ngjarja u shmang falë ndërhyrjes së policisë.
