Një aksident me vdekje ka ndodhur mbrëmjen e kësaj të shtune në Tiranë.
Një këmbësor 55-vjeçar është përplasur nga një automjet dhe ka humbur jetën.
“Në afërsi të mbikalimit të Teg-ut, mjeti me drejtues shtetasin A. B., 23 vjeç, ka aksidentuar shtetasin E. P., 55 vjeç, i cili si pasojë e aksidentit ka ndërruar jetë. Grupi hetimor po punon për sqarimin e rrethanave të aksidenti”, njoftoi policia.
Një tjetër aksident me vdekje u shënua më herët gjatë ditës. Në Fushë-Krujë, një automjet përplasi për vdekje një fëmijë 4 vjeç.
