Një valë e re infektimesh me koronavirus, është përhapur në Greqi në fillim të këtij viti.
Mediat vendase shkruajnë se ka pasur një rritje të ndjeshme të numrit të rasteve me koronavirus, sipas Raportit Javor të Mbikëqyrjes Epidemiologjike të Infeksioneve Respiratore.
Numri i pranimeve është rritur me 44%, po ashtu edhe pacientët e intubuar, të cilët tani arrijnë në 70. Gjithashtu, 57 persona kanë vdekur nga komplikimet e Covid-19. Si rastet e gripit ashtu edhe rastet e virusit respirator janë rritur gjithashtu.
Deri më tani situata ka qënë e menaxhueshme, por autoritetet kanë ngritur alarmin tek qytetaret për të treguar vigjilencë dhe kujdes.
