Një ngjarje e rëndë u raportua këtë të mërkurë në Tetovë, ku mbetën të vrarë me armë zjarri 2 persona dhe u plagos një tjetër.
Lidhur me rastin policia vendase njofton se ka arrestuar një 60 vjeçar i cili dyshohet se pas një sherri për një vendparkim ka vrarë me armë zjarri dy kushërinjtë e tij dhe ka plagosur një tjetër.
“Është arrestuar një person rreth 60 vjeç me iniciale I.I. nga fshati Çellopek, pas një denoncimi rreth orës 14:10 se në këtë fshat ka vrarë 2 kushërinjtë e tij nga i njëjti fshat dhe një e ka plagosur”, thonë nga policia.
Autoritetet ende nuk i kanë bërë me dije identitetet e viktimave, ndërsa njoftojnë se po punojnë për zbardhjen e plotë të ngjarjes.
