Qindra qytetarë janë mbledhur para Gjykatës së Lartë aty ku Sali Berisha ka thirrur protestë.
Teksa opozita po proteston para Gjykatës së Lartë ku do të shqyrtohet çështja e vulës së PD-së, në aksin rrugor ku mbahet tubimi, është krijuar radhë e gjatë trafiku. Flamur Noka është përplasur me kreun e Policisë së Tiranës, Tonin Vocaj, i cili ka kërkuar që të lirohet rruga.
Noka: “Kam që në 8 e 30 me stafin këtu dhe duhet të kishit liruar rrugën. Kemi marrë leje. Bashkia duhet të kishte marrë masa. Ne jemi në mosbindje civile, sna ndaloni dot me këto skenarë.”
“Mirë është që t’i lëmë këto makina të kalojnë. Nuk kam ardhur që të bëjë debat. Të kishit liruar rrugën, se ka trafik. Unë kaq mund t’ju them”, tha Tonin Vocaj.
Ndërkohë, Noka thekson se po t’i lejojë këto mjete, do t’i skadojë 1 orëshi i lejes që ka marrë për protestën.
