Stoli i Vllaznisë në ndeshjen ndaj Skënderbeut ishte i mbushur me të rinj. Dulaj, Zaganjori, Dodaj dhe Selmani u aktivizuan në pjesën e dytë nga trajneri Qatip Osmani dhe u duartrokitën gjatë nga tifozët.
Nëse për tre të parët nuk ishte ndeshje debutuese, e kundërta ndodhte me 17-vjeçarin Egert Selmani. Ky i fundit u aktivizua si mbrojtës i majtë, duke u ndërruar me Malën në minutën e 88-të.
Selmani është prej vitesh pjese e ekipeve kombëtare të moshave dhe tashmë stafi i ekipit të parë i ka hedhur sytë drejt tij.
Selmani veshi për herë të parë fanellën e Vllaznisë në fitoren 5-0 kundër Skënderbeut më 22 dhjetor 2023 dhe padiskutim që do të mbahet mend gjatë nga i riu, i cili tashmë e ka të ardhmen përpara, ndërsa është edhe nën vëzhgimin e trajnerit Osmani. Plani i klubit është që t’u jepet sa më shumë dora të rinjve të akademisë.
