Nënkryetari i Këshillit Bashkiak të Tiranës, Dorian Teliti u shpreh se gjesti i bërë nga opozita e cila dhuroi pranga Veliajt në mbledhjen e Këshillit Bashkiak, ishte veçse një gjest politik.
Teliti sqaroi se një gjest i tillë, në një vend ku egziston demokracia është i pranueshëm, gjë që tregon se në vendin tonë demokracia ngelet funksionale veç në dokumenta, jo në praktikë.
“Ditën e pardjeshme ne ishim mbledhur të gjithë, në sallën e Këshillit Bashkiak për të diskutuar mbi projekt buxhetin e vitit të ardhshëm.
Ne shkuam me predispozitën positive, për të përmirësuar për të dhënë mendimet dhe sygjerimit tona. Duke qenë se ishte hera e parë që Këshilli Bashkiak pas gati 5 vitesh tashmë diskuton, të ulej i tëri i plotë, mazhorancë dhe opozitë, për të diskutuar për buxhetin.
Kjo sepse siç të gjithë tashmë e dinë, për katër vjet ne nuk kemi qenë prezent në vendimarrjen e pushtetit vendor.
Shkuam atje me qëllimin më të mirë për të bërë opozitë dhe mbledhja sapo filloi, mori dhe fjalën kryetari i bashkisë, njëri nga këshilltarët opozitarë bëri një gjest politik, dhe ne jemi në një demokraci funksionale, të paktën në letër, dhe gjestet politike janë të mirëpranuara dhe nëse dikujt s’i pëlqejnë, që në këtë rast ishte dorëzmi i prangave nga këshilltari Tedi Blushi, kryetarit të bashkisë.
Simbolika e këtij gjesti, Tedi Blushi e sqaroi shumë saktë dhe në prononcimin për shtyp që kishte, se ishte për revoltën që ndjejnë opozitarët dhe qytetarët e Tiranës për keqmenaxhimin e fondeve publike që është bërë gjatë gjithë këtyre viteve në kryeqytetin e Shqipërisë.
Mbaroi aty. Tedi Blushi as nuk bllokoi mbledhjen as mikrofonat, as ndonjë nga këshilltarët e tjerë të fliste, Tedi Blushi nuk bllokoi as kryetarin e bashkisë në të folurin e tij, dhe ai ishte i lirë të vazhdonte diskursin e tij.
Tedi Blushi bëri gjestin dhe vazhdoi u ul në karrigen e tij, kaq, qartë dhe thjeshtë.
Ne kemi parë gjeste shumë më të forta në Kuvendin e Shqipërisë apo në Këshilla te tjerë.
Por ne e duam Shqipërinë të jetë demokraci në letër, por demokraci në praktikë si duket shumë vetave nuk ju pëlqen kjo gjë.
Pala tjetër bllokoi seancën pa arsye, u kthye pas 5 minutave pushim, dhe tha se do kalohet direkt në procedurë votimi”, tha Teliti per Syri tv.
