Socialistët kërkojnë ndëshkimin e deputetit demokrat Flamur Noka.
Ata kanë dorëzuar një kërkesë të firmosur nga 10 deputetë në Kuvend për marrjen e masave disiplinore për të, por pa propozuar një masë konkrete.
Sipas tyre, deputeti Noka, në seancën e të enjtes, ka shkelur rregulloren duke ndezur mjete piroteknike si dhe duke u përplasur me punonjësit e Gardës.
Prej javës së shkuar kanë hyrë në fuqi masat e reja ndëshkuese që parashikojnë deri 60 ditë përjashtim për deputetët që shkelin rregulloren.
