Një 43-vjeçar është arrestuar këtë të enjte në Fier, pasi akuzohet se ka tentuar të vrasë me thikë dy shtetas.
Në pranga ka rënë Bledar Qoku. Ndaj Qokut drejtësia ka caktuar masën e sigurisë “Arrest në burg” pasi në vitin 2014 ka tentuar të vrasë me thikë dy shtetas turq, në Gjermani.
“Policia e Fierit bën me dije se si rezultat i këtij operacioni u kap në lagjen “1 Maji” dhe u ndalua shtetasi i shpallur në kërkim: Bledar Qoku alias Bledar Manaj alias Bledar Hazizaj., 43 vjeç, banues në Fier.
Gjykata e Shkallës së Parë e Juridiksionit të Përgjithshëm Fier ka vleftësuar masën e sigurisë “Arrest në burg”, të caktuar nga autoritetet e drejtësisë në Gjermani, ndaj këtij shtetasi, për veprat penale “Vrasja me dashje” mbetur në tentativë dhe “Plagosja e rëndë me dashje”, pasi në vitin 2014, në Gjermani, ka tentuar të vrasë me thikë, 2 shtetas turq, njërin nga të cilët e ka plagosur rëndë”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
