Lideri i opozitës Sali Berisha është prej ditës së sotme pa mbrojtje politike pasi Kuvendi votoi me 75 vota për heqjen e imunitetit të tij.
Pas votimit të kërkesës së SPAK, Berisha iu bashkua protestuesve që ishin mbledhur jashtë parlamentit të cilët e kanë pritur me ovacione.
“O Sali, o hero gjithë Shqipëria ty të do”, janë dëgjuar të brohorasin mbështetësit e Berishës.
Vendim i sotëm i Kuvendit i hap rrugë SPAK-ut të kërkojë një masë më të rëndë sigurie ndaj Berishës siç është arresti me burg ose arrest shtëpie.
Pasi iu bashkua protestuesve, Berisha u shpreh se misioni kryesor është rrëzimi i Ramës
“Kjo është një përpjekje që dëshmon tmerrin që kanë sot ata nga ju, opozita e vërtetë, që përjetojnë se pse dështuan me sipërmarrjen e tyre më kriminale, atë të krijimit të opozitë fasadë, të realizimit të ëndrrës së Edi Ramës për një narkoshtet pa opozitës.
Me Ramës s’ka zgjedhje, rrëzimi i tij nga pushteti është misioni ynë i shenjtë. Ky shushunjë vjedh me të gjithë tentakualat e tij s’mund të heshtim përpara aferave që arrijnë 1 miliardë”, tha Berisha.
