I konsideruar si pronari “de fakto” i inceneratorëve, Mirel Mërtiri ka thyer heshtjen dhe ka dalë sot për herë të parë në një intervistë televizive për të mbrojtur veten e tij në mega aferën qindra milionëshe euro.
Ai është shpallur në kërkim ndërkombëtar, teksa gjatë intervistës në Syri TV tregoi se ndodhet në Austri ku la të nënkuptohej se ka nisur proceduart për të përfituar azil dhe për t’i shpëtuar burgut. Mërtiri shtoi më tej se për këtë është në dijeni si SPAK ashtu edhe ministria.
“Që prej vendosjes së masave nga SPAK, unë dhe familja ime i jemi drejtuar autoriteteve austriake. SPAK dhe ministria e dinë shumë mirë pozitën tim në Austri. Unë do jem këtu për aq kohë sa i besoj drejtësisë austriake. Unë nuk jam fshehur asnjëherë dhe nuk i bëj bisht drejtësisë.” – tha Mirel Mërtiri.
