Ka nisur përpara Kryesisë së Kuvendit protesta e njoftuar nga opozita, një protestë që vjen sipas vendimit të marrë në Kryesinë e Partisë Demokratike.
Në këtë protestë merr pjesë dhe Argita Malltezi Berisha, e cila është fotografuar në shoqëri të deputetes Albana Vokshi.
Një numër i madh i forcave të Policisë së Shtetit janë vendosur jashtë ambienteve të Kuvendit dhe pikërisht tek hyrja e deputetëve, të cilët janë pjesë e komisioneve parlamentare. Edhe në anët e tjera të Kuvendit ka një numër të lartë të punonjësve të rendit, të forcave “Shqiponja”, por edhe punonjës të Ndërhyrjes së Shpejtës, në pjesë të tjera të godinës së Kuvendit.
