Një aksident ka ndodhur në fshatin Softaj të Ferizajt, Kosovë. Dy makina janë përplasur me njëra tjetrën e si pasojë kanë mbetur të plagosur katër persona.
Ngjarjen e ka konfirmuar zëdhënësi i policisë për rajonin e Ferizajt, Kanun Veseli.
Sipas tij, njëri prej të lënduarve është dërguar për trajtim në Qendren Klinike dhe Universitare të Kosovës, ndërsa tre të tjerët pas ndihmës mjekësore janë dërguar në shtëpi.
“Njësia e Hetimit të Aksidenteve ka dalë në vendin e ngjarjes për hetimin e rastit”, tha Veseli.
Autoritetet vijojnë hetimet për zbardhjen e plotë të shkaqeve dhe rrethanave të aksidentit.
