Kategoria e Parë ka mbyllur javën e 15-të, e cila pa fituese dy ekipet e kreut, Bylisin dhe Elbasanin, të cilat duken favoritet kryesore për t’u ngjitur në Superiore sezonin e ardhshëm.
Ballshiotët mundën me përmbysje skuadrën e Luzit, duke shkuar kështu në kuotën e 38 pikëve, gjashtë më shumë se Elbasani ndjekës.
Kjo e fundit mundi ditën e sotme një rival direkt si Apolonia në transfertë me rezultatin 0-1, duke shkuar në kuotën e 32 pikëve dhe duke krijuar distancë me ndjekësit.
Vora ka parakaluar Flamurtarin dhe Apoloninë, duke u ngjitur në vendin e tretë pas fitores 3-1 me vlonjatët.
Në luftë për një vend në “play off” janë dhe Korabi me Lushnjën, me dibranët që kanë dy pikë më shumë se skuadra e Maganit.
Lufta për mbijetesë është gjithashtu e ndezur, me Burrelin, Besën, Tomorin dhe Luzin që ndahen nga një distancë shumë e vogël pikësh mes njëra tjetrës.
NDESHJET:
E DIEL (10.12.2023)
BESA 0-1 KORABI
BYLIS 3-1 LUZI
KASTRIOTI 3-1 TOMORI
LUSHNJA 2-0 BURRELI
E HËNË (11.12.2023)
APOLONIA 0-1 AF ELBASANI
VORA 3-1 FLAMURTARI
RENDITJA:
