Autoritetet në Itali kanë arrestuar një 40-vjeçar shqiptar, pasi akuzohet për trafik narkotikësh.
Mediat e huaja shkruajnë se shqiptari u dërgua në burg pas ekzekutimit të një urdhri të lëshuar nga Prokuroria Publike në Gjykatën e Apelit të Firences për të shlyer një dënim prej 4 vitesh e 5 muaj burg.
Raportohet se dënimi u bë i formës së prerë për një sërë krimesh të kryera ndër vite, përfshirë ndalimin për qëllime shpërndarjeje droge në bashkëpunim me bashkatdhetarë të tjerë.
Ai kishte kaluar një periudhë nën arrest shtëpiak, më pas i ishte nënshtruar paraburgimit shtëpiak me një byzylyk elektronik të cilin po e shërbente në shtëpinë e tij në Livorno, ku u gjurmua nga policia. Me përfundimin e formaliteteve, 40-vjeçari u dërgua në Sughere.
