Masimiliano Alegri vazhdon tw insistojë se Interi është skuadra më e mirë e Serisë A dhe pretendente kryesore për titull. Edhe pas fitores së sotme 1-0 ndaj Napolit, tekniku i bardhezinjve theksoi se ekipi po bënte mirë duke marrë fitore që e mbanin ngjitur me zikaltrit.
Titulli? “Le të themi se fitorja sonte ishte shumë e rëndësishme, e çuam Napolin në -12 dhe është një rezultat i shkëlqyer. Përsa i përket ëndrrave dhe kampionateve, unë besoj se duhet të vazhdojmë të punojmë hap pas hapi, të përmirësohemi në disa aspekte të ndeshjes sepse bëjmë shumë gabime teknike. Në pjesën e parë djemtë ishin mirë, pastaj në momente të vështira skuadra bëhet bllok graniti dhe kundërshtarët nuk kishin më raste”.
Mungesa në mesfushë? “Unë kam një grup djemsh që vihen në dispozicion. Rabio dhe MekKeni bënë një punë të jashtëzakonshme, mendoj se ne mund ta menaxhonim topin me më shumë qartësi. Ne mund të punojmë dhe mund të ngadalësojmë, mos mendoni së gjithmonë bëhet një aksion me tre pasime. Por po punojmë për këtë”.
“Nga brenda mund të themi gjithashtu se kemi ambicie dhe dëshirë për të fituar titullin, por për të arritur rezultate të caktuara nuk duhet të mendojmë për atë që do të jetë, por për atë që është sot. Ne duhet të mendojmë për këto ndeshje, të përmirësohemi teknikisht dhe të bëjmë pikë. Sa më shumë të bëjmë, aq më shumë mund të qëndrojmë të ngjitur me ekipin më të fortë në kampionat”, tha Alegri pas ndeshjes.
