Autoritetet në Itali kanë arrestuar ditën e sotme dy shtetas shqiptarë, pasi janë kapur me dy kilogramë kokainë dhe mijëra euro.
Mediat e huaja shkruajnë se kokaina është gjetur në fundin e makinës me të cilën po udhëtonin dy shqiptarët përkatësisht të moshave 36 dhe 33 vjeç.
Nga hetimet është zbuluar edhe një garazh në qendër të Alessandrias, në pronësi të dy shqiptarëve, brenda së cilit janë zbuluar një kilogram e 300 gram kokainë.
Shqiptarët janë shoqëruar për veprime të mëtjeshme proceduriale, ndërsa nuk rezultojnë me precedent të mëparshëm penalë.
