Dy të mitur të moshës 15 dhe 16 vjeç janë konfliktuar me mjete prerëse ditën e sotme në Tiranë.
Si pasojë është plagosur me mjet prerës 15-vjeçari, i cili ndodhet në spital, jashtë rrezikut për jetën.
Ndërkohë, 16-vjeçari është shoqëruar në komisariat së bashku me prindërit.
“Më datë 07.12.2023, në rrugën “Bedri Karapici”, janë konfliktuar dy të mitur të moshës 15 dhe 16 vjeç, dhe si pasojë është dëmtuar me mjet prerës 15-vjeçari, i cili ndodhet në spital, jashtë rrezikut për jetën.“-njofton policia.
Grupi hetimor po punon për sqarimin e rrethanave të konfliktit.
