Edhe në seancën e sotme, një numër i shtuar i punonjësve të gardës janë vendosur në Kuvend.
Nga pamjet e treguar nga postimet e deputetëve demokratë, shquhet dhjetëra punonjës së gardës.
“55 gardistë për 43 deputetë (të opozitës)” numëron ligjvënësi Luan Bacci, në një video të publikuar në rrjetet sociale.
43 gardistë janë vetëm brenda sallës, saktëson kreu i grupit parlamentar demokrat Gazment Bardhi.
Ky nuk është më Parlamenti i përfaqësuesve të qytetarëve, por salla e Gardës së Republikës! Ora 09:00, asnjë deputet në sallë, por salla e seancave plenare ka plot 43 punonjës të Gardës së Republikës brenda. pic.twitter.com/GmCZHi5M33
— Gazment Bardhi (@GazmentBardhi) December 7, 2023
Pas futjes në parlament të disa prej deputetëve demokratë nisën dhe tensionet mes tyre dhe punonjësve të gardës. Këta të fundit tentuan të ndalojë deputetët demokratë për të grumbulluar karriget para foltores. Kjo krijoi një situatë të tensionuar mes dy palëve.
Seancat e fundit janë zhvilluar mes tensionesh, pasi demokratët ka përshkallëzuar aksionin opozitar. Ata shprehen se kjo është e vetmja mënyrë e mbetur pasi të drejtat e tyre po shkelen nga mazhoranca.
