Sulmuesi kolumbian i Torinos, Duvan Zapata, i shënoi dopietë ish-skuadrës së tij, Atalantës, në duelin e ditës së djeshme të vlefshme për javën e 14-të të Serisë A.
Një “hakmarrje” kjo nga ana e 32-vjeçarit, i cili shpërtheu në lotë pas ndeshjes, teksa në intervistën e dhënë për mikrofonin e “DAZN”, tregoi se nuk u vlerësua siç duhej nga drejtuesit e klubit zikaltër:
“Të gjithë këtu, që kur erdha, më kanë bërë të ndihem i rëndësishëm. Kishte probleme të brendshme aty ku isha më parë, në ditët e fundit të merkatos, klubi nuk më dha vlerën që meritoja. Këtu më mirëpritën menjëherë edhe në këto kohë të vështira më kanë mbështetur, dhe unë po i kaloj ato”, deklaroi Zapata, i cili ndodhet te Torino në formë huazimi nga Atalanta deri në fund të sezonit.
https://twitter.com/i/status/1732006671847723473
