Agjencia e Mbikëqyrjes Policore ka pezulluar nga detyra një efektiv policie në Fier, pas vendimit të Gjykatës së Fierit, e cila ka vendosur ndaj tij masën shtrënguese “Ndalim për të dalë jashtë shtetit” dhe masën ndaluese “Pezullim i ushtrimit të një detyre a shërbimi publik”.
Bëhet fjalë për nënkomisar Taulant Ismailaj, me detyrë Specialist i Seksionit të Luftës Kundër Narkotikëve në Drejtorinë e Policisë së Fierit, i dyshuar për veprat penale “Shpërdorim detyre” dhe “Korrupsion pasiv i personave që ushtrojnë funksione publike”.
Sipas AMP-së, nga hetimet ka rezultuar se Taulant Ismailaj ka kryer veprimtari kriminale në dëm të interesave të shtetit. Ai dyshohet se ka favorizuar shpërndarës të lëndëve narkotike duke mos i arrestuar, në rastet e flagrancës nga Policia e Shtetit.
